Бұл курсты оқу барысында география пәніне қатысты көптеген қызықты әрі пайдалы мәліметтер алдым. Әсіресе атмосфера, климат, биосфера, географиялық қабық және Қазақстанның экономикалық аудандары мен әлеуметтік-географиялық ерекшеліктері туралы тақырыптар маған қызықты болды. Бұрын кейбір ұғымдарды тек жалпы түсінік ретінде білсем, курс арқылы олардың мағынасын тереңірек түсініп, бір-бірімен байланысын ұғына бастадым. Мысалы, климаттың қалыптасуына әсер ететін факторлар, табиғат компоненттерінің өзара байланысы және еліміздің әр аймағының шаруашылық ерекшеліктері туралы жаңа ақпараттар білдім. Сонымен қатар тақырып соңындағы тапсырмалар мен тесттер оқыған материалды есте сақтауға және білімімді тексеруге көмектесті. Жалпы, курс маған тек теориялық білім беріп қана қоймай, қоршаған ортаға және еліміздің географиялық ерекшеліктеріне басқаша көзқараспен қарауға мүмкіндік берді. Курс мазмұнды әрі пайдалы болды деп есептеймін.